Lu presepiu
Subbra a nna banchitedha, li uagnuni
ccònzanu a nnu cantune lu presepiu:
suntu quindici giurni
ca nchiòanu tàule e ncòdhanu cartuni.
Lu rande face de ngegneri, mentre
lu cchiù picciccu babba
e lu menzanu tinge e nchioa le centre
- “La scisa de li Mmagi ene de dhai,
la rutta a mmienzu, de coste lu mare;
subbra, la massaria;
lu cacciatore lu mentimu a cquai.”-
-“A cqua stu pizzu tocca cu sse crisca,
e pe lla stella nci ole
nu filu finu cu nu ccumparisca”...-
(Giuseppe De Dominicis aka Capitano Black)
Nessun commento:
Posta un commento